Macalin Xaashi oo shir jaraa'id Maanta ku qabtay Muqdisho ayaa sheegay in baaritaano ay sameeyeen ku ogaadeen in dabkii ka kacay suuqa weyn ee bakaaraha ka dambeeyeen Ciidamada AMISOM.

Macalin xaashi ayaa dabkaasi ku macneeyay in uu ka dhashay kadib markii Ciidamada AMISOM madaafiic ku soo tuureen gudaha suuqa weyn ee bakaaraha.

"Gaalada AMISOM ayaa ka dambeysay dabkii mantida badan ku baa ba'day ee ka dhacay suuqa weyn ee bakaaraha"ayuu yiri Macalin Xaashi.

Macalin Xaashi ayaa intaasi ku daray in Xoogaga mujaahiidiinta ee ka dagaalama gudaha dalka sii wadi doonaan dagaalkooda inta dalka ka saarayaan Ciidamada AMISOM.

Dabkii ka kacay suuqa bakaaraha ayaa la xaqiijiyay in uu gaystay bur bur hantiyeed oo aad u baaxad weyn isla markaana ganacsato dhowr ah halkaasi ku hanti beeleed.