Wilaayada Xarakada Mujaahidiinta Al-shabaab ee Gobolka banaadir ayaa Maalintii 3-aad qabuuro bur burin ka wada Magaalada Muqdisho.Qabuurihii Sheekh Macalin Biyamaaloow ayay Maanta Ciidamada Xarakada Mujaahdiinta Al-shabaab Bur buriyeen.
Mas'uulka u qaabilsan Xarakada Al-shabaab dhinaca ka hortaga Shirkiga Sheekh Siciid karataay oo goobta qabuuraha lagu bur burinayay kula hadlay warbaahinta ayaa sheegay in qabuuro bur burintaan qeyb ka tahay kuwo horay uga soo sameeyeen qeybo ka mid ah Gobolada dalka Soomaaliya.
Sheekh Saciid Karataay ayaa intaasi ku daray in labadii maalin ee la soo dhaafay howlahaan ka wadeen magaalada Muqdish.
Mar wax laga waydiiyay Sheekh Siciid halka ay gaynayaan Lafaha ay ka soo saaraan qabuuraha ayaa sheegay in la gayn doono goob aysan dadka ogaan karin sida uu hadalka u dhigay.
Xarakada Al-shabaab ayaa horay u soo bur buriyay qabuuro gaaraya ilaa iyo 7-qabri oo ku yaala Muqdisho isla markanaa ku aasnaayeen Culuma'udiin Caan Ah.